महा विकास समितीचे संस्थापक अध्यक्ष रेव्ह डॉ सोलोमोनराज भंडारे यांनी पुनावळे येथील सर्वे नं. 12 मधील श्रीमती मंगला रघुनाथ साबळे (विधवा), त्यांची विधवा सून व अल्पवयीन नातू यांच्या न्यायासाठी आज रोजी सकाळी ११ वाजता तहसील कार्यालय निगडी येथे अमरण उपोषणची सुरवात केली.
त्यांच्या मागण्या खालीलप्रमाणे आहेत :
1. रस्ता खुला करावा – भोंडवे यांनी बेकायदेशीरपणे बंद केलेला रस्ता तातडीने खुला करण्यात यावा.
2. शौचालयाची सोय करावी – कुटुंबाचे शौचालय पाडण्यात आल्यामुळे तात्पुरती स्वच्छतागृहाची व्यवस्था करण्यात यावी.
3. सुरक्षा पुरवावी – न्यायालयीन खटला चालू असताना पीडित कुटुंबास जीव व मालमत्तेची सुरक्षा पुरवावी.
4. धोकादायक खड्डा बुजवावा – घराभोवती खोदून पाण्याने भरलेला खोल खड्डा तातडीने बुजवावा.
5. झाडे तोडण्याबद्दल FIR दाखल करावी – बेकायदेशीर झाडे तोडल्याबाबत गुन्हा नोंदवावा.
6. जातीवाचक अपमानाबद्दल गुन्हा दाखल करावा – भोंडवे यांनी विधवा दलित स्त्रीचा अपमान करून म्हटले की, “हे लोक मांग, महार कधी बदलत नाहीत.” हा प्रकार SC/ST अॅट्रॉसिटीज अॅक्ट अंतर्गत गुन्हा ठरतो. यासंदर्भातील तक्रार, पुरावे व व्हिडिओ रावेत पोलीस ठाण्यात आधीच सादर केले आहेत.
7. PCMC अधिकाऱ्यांवर कारवाई करावी – संबंधित PCMC ‘ड’ प्रभाग अधिकारी यांनी सर्वोच्च न्यायालयाच्या मार्गदर्शक तत्त्वांचे उल्लंघन करून बेकायदेशीर पाडकाम केले आहे. त्यांच्यावर कठोर कारवाई करावी.
एक दिवस पूर्ण झाले तरी उपोषण सुरूच आहे……..
